Policia kanadeze ka gjetur trupin e pajetë të një prej dy autorëve të shpallur në kërkim për sulmin me thikë që la 10 të vdekur dhe 18 të plagosur në provincën e Saskatcheëan të dielën.
Sipas BBC, trupi i Damien Sanderson, 31 vjeç, u gjet në James Smith Cree Nation, komuniteti indigjen ku ndodhën vrasjet.
Ndërkaq, policia bën me dije se autori tjetër që është vëllai i Sanderson, Myles është i lirë dhe i rrezikshëm.
Të hënën policia tha se trupi i Damien Sanderson ishte gjetur “në një zonë me bar të madh në afërsi të një shtëpie që po kontrollohej nga policia”.
Lëndimet e tij “nuk besohet se janë vetëshkaktuar në këtë pikë”, u tha gazetarëve ndihmëskomisionerja e policisë Rhonda Blackmore.
Vëllai i tij 30-vjeçar gjithashtu mund të ketë pësuar lëndime dhe policia ka paralajmëruar publikun se mund të kërkojë ndihmë mjekësore.
Myles Sanderson, i cili ishte i njohur më parë për policinë, përshkruhet se ka një “të kaluar të gjatë kriminale” që daton prej disa vitesh.
Të hënën në mbrëmje, shefi Bobby Cameron i Federatës së Kombeve Indigjene Sovrane, u bëri thirrje banorëve të raportojnë me çdo informacion rreth sulmeve.
Ngjarja ka tronditur komunitetit paqësor indigjen, ndërsa policia po heton 13 skena të ndryshme krimi. Motivet e të dyshuarve mbeten të panjohura./Opinion.al
