Është dënuar me burgim të përjetshëm Orges Bilbili dhe Anterio Kaloshi nga Gjykata Kundër Krimit të Organizuar dhe Korrupsionit.
Ata akuzohen për masakrën e Lushnjes së 11 Tetorit 2017, ku mbetën të vrarë Zamir Latifi e Jurgen Hoxha, si dhe u plagosën dy të tjerë. Nga hetimet ka rezultuar se objektiv i sulmit me armë në atë kohë ka qenë Xhulio Shkurti, nipi i Aldo Bares. Por ky i fundit mundi t’u shpëtonte plumbave.
Sipas Prokurorisë, ngjarja ka ndodhur si pasojë e historikut të hakmarrjeve midis familjeve të Xhulio Shkurtit dhe Laert Haxhiut. Ky i fundit, bashkëpunëtor me Orges Bilbin dhe Anterio Kaloshin, vijon të jetë në kërkim nga autoritetet ligjzbatuese.
