Autorët e masakrës së 11 tetorit në Lushnjë dyshohet se janë larguar nga Shqipëria. Dy javë e gjysëm nga vrasja dy të rinjve Jurgen Hoxha dhe Zamir Latifi, policia dhe prokuroria e Lushnjës nuk ka asnjë informacion për vendndodhjen e autoreve te dyshuar Laert Haxhiun dhe Orgest Bilbilin.
Abc News referuar burimeve raporton se autorët mund të jenë larguar nga Shqipëria drejt Gjermanisë. Në sistemin TIMS ata nuk figurojnë të kene dale nga vendi yne, por dyshimet janë për kalim të kufirit me pasaportë false ose nga kufiri tokësor.
Sakaq, gjatë marrjes në pyetje prindërit e autorëve kanë deklaruar se prej disa muajsh ata nuk kanë pasur komunikim me fëmijët e tyre.
Viktimat njihen si miqtë e ngushtë te Xhulio Shkurtit , nipit ta Aldo Bares. Dyshohet se Laert Haxhiu kishte përgatitur atentatin për të vrarë Xhulio Shkurtin por ky i fundit shpëtoi dhe viktima mbetën shokët e tij.
/Opinion.al
Në foto viktimat: Julian-Hoxha-Zamir-Latifi
