TIRANE- Përmes një deklarate për mediat shefi i Reanimacionit në Spitalin e Traumës, Dritan Zhurda dhe mjeku Dritan Cela treguan gjendjen e personave të plagosur mbrëmë në Elbasan. “Tre janë rëndë, por njëri prej tyre, Luan Muca 47 vjeç është më tepër sepse ka ende predha në trup në veshkë. Ferid Muca ka dëmtim të madhe në gluteale dhe pak në kokë. Bujar Rreshka 40 vjeç është që dje me aparatura ka aspiruar gjak, ka dëmtim të trakesë dhe do të vendoset për ndërhyrje. Ka plumbë që ka dëmtuar artikulacionin”, tha mjeku.
Dy të tjerët që janë paraqitur në spitalin e Traumës janë jashtë rrezikut për jetën dhe ndodhen në pavionin e ortopedisë. Mjekët përjashtojnë mundësinë e transferimit të të plagosurve më rëndë pasi Spitali i ka të gjithë parametrat e nevojshëm.
