Prokuroria e Posaçme që po heton ngjarjen e rëndë ku mbetën të vrarë 4 persona në Shkodër, ka urdhëruar kontrolle në Dobraç.
Operacioni është zhvilluar në kuadër të hetimeve që po kryen SPAK për “Masakrën e Dobraçit” ku humbën jetën Arlind Bushati, Hamza Lici, Flutura dhe Bashkim Basha.
Mësohet se forcat RENEA kanë ushtruar kontrolle gjatë mbrëmjes dhe në orët e para të mëngjesit në Shkodër dhe disa fshatra pranë.
Gjatë kontrolleve janë sekuestruar 5 automjete të blinduara.
Mësohet se në fokus të kontrolleve kanë qenë banesa të personave me precedentë penalë dhe të skeduar nga policia, referuar të njëjtave burime, janë gjetur armë dhe sende të jashtëligjshme, të cilat janë sekuestruar.
