Eshtë e konfirmuar tashmë nga bashkia dhe policia se ndeshja e kampionatit kombëtar, Partizani-Vllanzia do të luhet në ‘Selman Stermasi’. Për shkak të incidenteve dhe kundërshtive të tifozëve të Tiranës për të përdorur këtë fushë janë marrë masa ekstreme nga policia për mbarëvajtjen e ndeshjes.
Ndeshja luhet në orën 17:00 të së dielës në Stadiumin “Selman Stërmasi” por disa rrugë të kryeqytetit do të mbllokohen 5 orë para nishes së ndeshjes. 261 polic dhe 5 grupe të Ndërhyrjes së Shpejtë do të jenë në terren.
Ja njoftimi i policisë për masat
Drejtoria Vendore e Policisë Tiranë, njofton për bllokimin e disa akseve rrugore dhe masat e marra si më poshtë:
Njoftohen tifozët që në stadium nuk do te lejohen të futen bidona uji, çakmakë, monedha çelsa metalik,sende te tjera te forta.
Duke filluar nga ora 12:00 deri në përfundim të ndeshjes do të bllokohen rrugët:
• Rruga “Emin Duraku”, Rruga “Gjin Bue Shpata” dhe rruga përballë stadiumit “Selman Stërmasi”.
Gjatë lëvizjes të tifozerive përkatëse nga pika e takimit deri tek stadiumi “Selman Stërmasi”, do të bëhet shoqërimi i tyre me Shërbimet e Policisë për të shmangur incidentet e mundëshme.
Nuk do lejohen fëmijë nën moshën 14 vjeç të pa shoqëruar nga prindërit.
Pas përfundimit të ndeshjes tifozët respektiv do të largohen nga rrugët që kanë ardhur të shoqëruar nga Shërbimet e Policisë.
Per mbarëvajtjen e këtij aktiviteti janë angazhuar 261 forca policie dhe 5 grupe FNSH -je.
