Martohet Sinan Hoxha… ia bën nusja tetë me dy

Këngëtari Sinan Hoxha i ka dhënë fund beqarisë së tij. Ja tek e shohim të veshur me këtë kostum dhëndri teksa, ka marrë me helikopter bashkëshorten e tij, Andrra Destani. Lidhja mes tij dhe vajzës simpatike, e cila jeton prej vitesh në Gjermani nuk kaloi pa u vënë re ndonëse Sinani dhe Andrra nuk kanë folur kurrë publikisht për mediat. Cifti ka qenë shumë aktiv në rrjetet sociale duke postuar shpesh foto sëbashku. Këngëtari i dashur i muzikës popullore do të organizojë dy ceremoni martesore në Tiranë, një me familjarët e tij dhe një tjetër me miqtë artistë. Burime pranë ciftit thonë për Opinion.al se, ceremonia me miqtë artistë do të zhvillohet nesër rreth orës 21:00, në një nga lokalet në periferi të Tiranës. Dasma do të celet nga këngëtarja Artiola Toska, e cila është mikeshë e vjetër e këngëtarit duke vijuar me të tjerë artistë si Poni, Valbona Mema, etj. Të ftuar do të jenë shumë miq të këngëtarit nga Kosova e Shqipëria si, Sabri Fejzullahu, Rozana Radi, Soni Malaj, reperat Stresi, Noizy, Ledri Vula, Cozman, Tuna, Manjola Nallbani, motrat Libohova, e shumë e shumë artistë të tjerë. Nusja do të ndërrojë 4 fustane mes të cilëve edhe njërin të cilin e ka dizenjuar stilisti nga Kosova, Valdrin Sahiti. Dasma e Sinanit dhe Andrrës është një nga ngjarjet më të bujshme dhe më të komentuara të show bizi-it shqiptarë.