Edi Martini është trajneri i radhës i larguar në Superligën shqiptare. Teuta ka njoftuar mbylljen e bashkëpunimit me teknikun shkodran.
Në fakt ishte një lëvizje që pritej, pasi Martini meditoi një largim të mundshëm pas humbjes me Partizanin në fundjavë.
“Klubi i futbollit Teuta njofton përfundimin e bashkëpunimit me trajnerin Edi Martini. Gjatë këtij sezoni, Martini ka dhënë kontributin e tij në drejtimin e ekipit. E falënderojmë për punën dhe përkushtimin e tij dhe i urojmë suksese në karrierën e tij të mëtejshme. Në ditët në vijim, do të zyrtarizohet trajneri i ri që do të drejtojë ekipin tonë në sfidat e ardhshme”, thuhet në njoftimin e durrsakëve.
Teuta ishte nga të paktat klube në Shqipëri që nuk kishte ndryshuar trajnerin këtë sezon, ndërsa tani mbeten vetëm Vllaznia dhe Egnatia.
