Presidenti i Kosvës Hashim Thaçi në një intervistë për Zërin e Amerikës ka treguar se cilat janë kërkesat e Kosovës, në rast të mbërritjes në një marrëveshje me Serbinë.
Thaçi se njohja e shtetit të Kosovës nga Serbia, anëtarësimi i vendit në OKB, njohja e Kosovës nga 5 vendet e BE që nuk e kanë njohur ende dhe hapja e mundësive për anëtarësim në NATO dhe BE, janë kritere të padiskutueshme për një marrëveshje.
I pyetur për çështjen e kufijve, Thaçi tha se kufiri me Serbinë duhet definuar, ndërsa kujtoi që korrigjim Kosova ka bërë edhe me Maqedoninë dhe me Malin e Zi.
“Mendoj që do ishte e logjikshme përfshirja e Preshevës dhe Bujanocit brenda kufirit të Kosovës, duke mos cenuar territorin e Kosovës, veriun e saj dhe Muitrovicës”, u shpreh Thaçi.
Megjithatë Thaçi theksoi se nuk ka ka dialog nëse nuk ka njohje të Kosovës nga Serbia. Presidenti I Kosovës u shpreh optimisist dhe se marrëveshja do të jetë transparente për qytetarët. Ai pohoi se arritjas e kësaj marrëveshje është obligim, pasi do të hapet mundësia e transforimit të plotë të shoqërisë kosovare / M.B
