Kuvendi miratoi dje në seancë kandidaturën e Presidentit Meta për kreun e KLSH-së, Arben Shehu.
Miratimi i kësaj kandidature vjen pas rrëzimit të tre të tjerave më parë që ishin propozuar nga Meta.
Gjatë konferencës së përjavshme për shtyp, presidenti u pyet se si do t’i përgjigjej zërave që thonë se kandidatura e Shehut u miratua si pjesë e një marrëveshjeje mes tij dhe kryeministrit Rama, ku miratimi për kreun e KLSH erdhi pas miratimit të ligjit të eurobondit nga Meta.
“Nuk ekziston asnjë marrëveshje e tillë dhe nuk kam ndërmend të merrem me thashetheme. Ju e dini opinionin tim për eurobondin. Çdo gjë që është në përputhje me kushtetutën dhe me ligjin këtu firmoset menjëherë. Çdo gjë që ka probleme kthehet për rishqyrtim. Jam i zhgënjyer për mos miratimin e tre kandidaturave të para pasi kanë qënë shumë përfaqësuese dhe dinjitoze.” – tha Meta. /Opinion.al
