Shqipëria dhe SHBA nënshkruan në Tiranë një memorandum për bashkëpunimin ekonomik mes dy vendeve.
Pjesë e kësaj marrëveshjeje ka qenë ndër të tjera edhe investimi amerikan në hidrocentralin e Skavicës si dhe bashkëpunimi për investimet në rrjetin 5G.
Në daljen që pati në media, Nënsekretari i Shtetit për Zhvillimin Ekonomik, Energjinë dhe Mjedisin, Keith Krach tha se një rrjet i pastër trajton bashkëpunim parimor të botës së lirë, ndërsa vlerësoi këtë strategji të ndërtuar prej shumë vitesh.
“Deri më tani 20 vende të NATOS janë pjesë e rrjetit. Shqiperia është një vend i rrugës së pastër”, tha Krach duke vlerësuar se ky memorandum do të ofrojë mundësi punësimi më të mira dhe një mjedis më të mirë biznesi.
Lidhur me hidorcentralin e Skavicës, Nën Sekretari Amerikan tha se qeveria shqiptare ka zgjedhur një prej kompanive më të mira me përvoja në ndërtime të kësaj natyre.
Në vizitën e tij në Tiranë, Nënsekretari Krach u prit edhe nga Presidenti Ilir Meta./Opinion.al
