Presidenti Ilir Meta ishte sot në Laç ku vlerësoi Famullinë e Shën Mhillit me Dekoratën “Nënë Tereza”.
Në përfundim të ceremonisë, Presidenti u pyet nga mediat për marrëveshjen e arritur mes palëve politike për Reformën Zgjedhore.
Presidenti Meta e cilësoi një hap të rëndësishëm marrëveshjen mes palëve për reformën duke shtuar se mund të kishte pasoja nëse nuk arrihej një marrëveshje..
“Mendoj se është hedhur një hap i rëndësishëm përpara, pasi kam parasysh se cilat do ishin pasojat nëse nuk do kishte marrëveshje midis palëve. Ndoshta ka shumë qytetarë që nuk janë shumë të lumtur, pasi kanë pritur ndryshime edhe me thelbësore, por sidoqoftë fakti qe kemi një marrëveshje konsensuale është shume pozitive. Pasi do të kishte pasoja nëse do kishte një reformë të njëanshme zgjedhore”, theksoi Meta. /Opinion.al
