Zyra e OSBE në Tiranë ka organizuar tryezën e radhës për Reformën Zgjedhore me praninë e ambasadorëve të huaj dhe dy bashkëkryetarëve të Komisionit parlamentar për këtë reformë, Rudina Hajdari dhe Damian Gjiknuri.
Ky i fundit ka njoftuar përmes një statusi në Facebook se ata informuan ambasadorët “mbi zhvillimet e deritanishme në kuadër të procesit të reformës dhe dialogun e nisur me përfshirjen e opozitës jashtë parlamentare”.
Sipas tij, ambasadorët nga ana e tyre e “mbështetën dialogun” mes palëve dhe “inkurajuan përmbylljen sa më shpejtë të reformës zgjedhore”. /Opinion.al
