Ish-presidenti rus, njëherësh edhe aleati i Vladimir Putin Dmitry Medvedev ka komentuar marrëveshjen e mineraleve mes Ukrainës dhe Shteteve të Bashkuara.
Gjatë fjalës së tij, teksa komentonte në lidhje me marrëveshjen, Medvedev pohoi se Ukraina po ‘zhduket’ dhe vlerësimet e presidentit amerikan, Donald Trump po bien.
“Trump më në fund e ka detyruar regjimin e Kievit të paguajë për ndihmën amerikane me minerale. Tani furnizimet ushtarake do të duhet të paguhen me pasurinë kombëtare të një vendi në zhdukje”, tha ai.
Më tej Medvedev pohoi: “Senati i SHBA-së, i udhëhequr nga republikanët, po përgatitet të vendosë një raund tjetër ‘sanksionesh shkatërruese’ kundër nesh. Le të shohim se si do të përgjigjet administrata e re. Vlerësimet e Trump kanë rënë dhe ‘shteti i thellë’ po bën rezistencë të ashpër.“
