Ambasadorja e SHBA-ve në Shqipëri, Yuri Kim ka komentuar sot marrëveshjen Shqipëri-SHBA për futjen e gazit të lëngshëm natyror si dhe konvertimin e TEC-it të Vlorës.
Për Kim kjo është një marrëveshje e rëndësishme duke sjellë kështu dhe prespektivën e investimeve më të mëdha amerikane, duke hapur më shumë vende pune dhe mundësi.
Ajo thekson në reagimin e saj në ” Twitter” se marrëveshja jo vetëm diversifikon burimin e energjisë për Shqiëprinë, por edhe rrit furnizimin dhe sigurinë e energjisë jo vetëm për vendin por për gjithë rajonin.
STATUSI NGA AMBASADORJA YURI KIM
Kjo është është një marrëveshje strategjike e rëndësishme – jo vetëm që do të diversifikojë burimin e energjisë për Shqipërinë, por gjithashtu do të rrisë furnizimin dhe sigurinë e energjisë për Shqipërinë dhe rajonin e Ballkanit Perëndimor. Ai hap gjithashtu rrugën për investime më të mëdha amerikane, duke çuar në më shumë vende pune dhe mundësi për të dy vendet./Opinion.al
