Kryesore

Marrëveshja për fluturimet Prishtinë-Beograd, Rama thumbon Haradinajn


               Publikuar në : 18:46 - 20/01/20 |
Opi Nion

Kryeministri Edi Rama ka përshëndetur marrëveshjen e sotme për fluturimet Prishtinë-Beograd, duke theksuar se në këtë mënyrë lehtësohet qarkullimi i njerëzve e mallrave në Ballkanin Perëndimor.

Përmes një postimi në rrjetet sociale, Rama ka shprehet se dhe kryeministri në detyrë i Kosovës, Ramush Haradinaj ka bërë mirë që vlerësoi këtë marrëveshje.

Kryeministri shprehet ndër të tjera se; “Paqja në asnjë rast nuk fitohet me mjetet e luftës dhe popullariteti i përkohshëm që sjellin nganjëherë ato mjete, nuk i sjell asnjë hajër popullit e vendit.”

Reagimi

E përshëndes me kënaqësi marrëveshjen e sotme për fluturimet Prishtinë-Beograd, që siç tha Sekretari i NATO-s është “një hap i rëndësishëm për qarkullimin më të lehtë të njerëzve e mallrave në Ballkanin Perëndimor”. Ka ende shumë hapa për të bërë me vizion e kurajo në atë rrugë! Shumë mirë bëri edhe Ramushi që e përshëndeti këtë hap. Paqja është tejet e vështirë, por në asnjë rast ajo nuk fitohet me mjetet e luftës dhe popullariteti i përkohshëm që sjellin nganjëherë ato mjete, nuk i sjell asnjë hajër popullit e vendit./ Opinion.al

Pas