Kryeministrja italiane, Giorgia Meloni, në një postim në rrjetet sociale, ka folur për marrëveshjen e nënshkruar me kryeministrin shqiptar Edi Rama, për ardhjen e emigrantëve në vendin tonë.
Sipas marrëveshjes, në Shëngjin do të krijohen dy qendra të mbyllura për qëndrimin e emigrantëve të parregullt, ku menaxhimi dhe financimi do të mbulohet nga Italia.
Meloni është shprehur “Nuk mund të argumentohet se ne deportojmë njerëz në Shqipëri” .”Ata që nuk janë dakord mund të thonë çfarë të duan, por mendoj se nuk mund të argumentohet se ne synojmë të deportojmë dikë në një komb që është kandidat për hyrje në Bashkimin Evropian”.
