Shkrimtari shqiptar, Ismail Kadare ka folur për mediat italiane, ku është pyetur edhe për marrëveshjen mes Shqipërisë dhe Italisë për emigrantët.
Për “La Stampa”, Kadare është shprehur se “nuk e kuptoj ku qëndron problemi me këtë marrëveshje, për sa kohë Shqipëria dhe Italia janë dy vende më të bashkuara se kurrë?”.
Marrëveshjen mes Ramës dhe Melonit, Kadare e konsideron si gjëra të vogla që ndodhi midis dy shteteve që janë të bashkuar tanimë.
Duke folur për marrëveshjet, çfarë mendoni për atë të parashikuar mes Ramës dhe Melonit për të sjellë emigrantë në Shqipëri?
“Këto janë gjëra të vogla që ndodhin mes qeverive, nuk më interesojnë ato, protesta dhe lojëra pushteti. Siç thashë, Shqipëria dhe Italia janë tashmë të bashkuar: janë 500 mijë shqiptarë që jetojnë dhe punojnë në Itali, shumë italianë janë shpërngulur në Shqipëri, ka martesa të përziera, kompani të mëdha janë krijuar këtu, fëmijët tanë kanë baballarë italianë. Ku qëndron problemi? Një marrëveshje?”, ka thënë Kadare./opinion.al
