Pedagogu i UET-së, Arjan Curri të enjten është shprehur se atmosfera në Greqi është shumë e qetë, atje duket se partitë politikë janë marrë vesh me njëra-tjetrën, krejt ndryshe nga vendi ynë.
Curri tha se në Greqi ekziston një optimizëm që mosmarrëveshjet historike me Shqipërinë janë drejt zgjidhjes.
Ai deklaroi se Greqia është duke pretenduar për të marrë rolin e liderit në rajon.
Curri: Në politikën greke kur bëhet fjalë për politikën e jashtme, kryeministri jo vetëm që njofton opozitën por ka edhe konsulta me Kishën greke që ka një rol politik të jashtëzakonshëm. Kështu që ata janë si një trup i vetëm përsa i përket politikës së jashtme.
