Teksa prezantoi projektet në bashkinë e Ersekës , kryeministri Edi Rama nuk ka harruar të ironizojë marrëveshjen mes PD dhe PL për zgjedhjet lokale të 14 majit.
Gjatë fjalës së tij, kreu i qeverisë e cilësoi këtë marrëveshje si aleancë rublash, duke nënkuptuar me këtë fondet ruse që dyshohet se janë përdorur nga PD gjatë kohës që drejtohej nga Lulzim Basha.
Rama i është përgjigjur vet pyetjes se cila është arsyeja pse duhet që Rusia të financojë Partinë Demokratike.
Sipas tij, me financimet ruse synohet krijimi i një konflikti social në vendin tonë dhe ndryshimi i pushtetit me dhunë.
Edi Rama: Inflacioni është një virus i lëshuar në të gjithë botën për të krijuar tension. Ne jemi duke bërë më të mirën e mundshme. Kemi vendosur një mburojë financiare mbi të gjitha bizneset e vogla. Ne kemi inflacionin më të ulët në rajon sepse nuk kemi rritur çmimin e energjisë. Pavarësisht përpjekjeve, situata nuk është e lehtë dhe po ashtu ne dimë shumë mirë atë që kemi kohë që e dimë, por që shumëkush nuk e besonte kur e thamë që kemi përballë një aleancë politike e cila është në shërbim të parave ruse. Kur ne dolëm dhe thamë disa kohë përpara se PD u financua nga para ruse për të rrëzuar qeverinë tonë në zgjedhjet e shkuara, shumëkush filloi të përqeshte, ndërkohë që të tjerë që ju i ndiqni për fat të keq nëpër këto klubet e televizoneve, së bashku me ata të cilët i morën ata para thanë se kjo është një sajesë e Ramës dhe Sorosit, mirëpo na doli nga raporti i CIA që PD është financuar nga para ruse.
Për çfarë duhet ta financojë Rusia – PD-në?
Për arsye që janë të mirëkuptueshme, për të njëjat arsye që sot ata sepse sot nuk mund të flasim më për PD, ajo aleancë për të cilat deri më thonin çke me ata? Dhe këtu nuk paska qenë kaq e thjeshtë. Ajo është një aleancë rublash që synon të arrijë aty ku u synua dhe më parë me financimin rus, në krijimin e një konflikti social, ndryshimin e pushtetit me dhunë, me presion.
Orë e minutë gënjejë, shpifin, sajojnë me ndihmën e disa kanaleve që i bashkohen interesit të parasë, i fitimeve të pamerituara, interesi i interesave të prekur dhe nuk është një, por janë disa, nuk çajnë dot për të marrë fitime të paligjshme. Mbushin shtëpitë e njerëzve me gjithëfarë lloj shpifjesh athu se dikush i ka vënë aty për të propaganduar orë e çast që të ikësh nga Shqipëria. Ata të cilët shkojnë dhe i fusin kamerat në çdo zgëqe ku mund të gjejnë pamje, ngjarje, situata të cilat mund të jenë të dëshpëruara, por që nuk kanë veshë për të dëgjuar se çfarë ndodh në pjesë të tjera të vendit.
