Pedagogu i UET-së, Arian Curri ka deklaruar sonte në studion e emisionit ‘Opinion’ se shqiptarët duhet të ndajnë mendjen nëse do të luftojnë për më shumë metra det apo për një zonë ekonomike.
Curri tha se nëse futet parimi i 12 miljeve, Greqia përfiton më shumë në zonën ekskluzive ekonomike. Ai tha se Greqia e ka shumë të saktë hartën e burimeve të naftës.
Sipas tij, ka anije norvegjeze që kanë vite që lundrojnë në ato ujra, në detin Egje dhe në detin Jon dhe kanë bërë studime, por kjo marrëveshje e fundit i jep Greqisë në mënyrë ekskluzive një hapësirë më të madhe ekonomike për të shfrytëzuar.
“Ne kemi shumë pak hapësirë, pasi pjesën tjetër e merr Greqia. Pra duhet vendosur nëse do të luftojmë për milje katror det, apo për zonën ekskluzive ekonomike”,-thekson Curri.
Curri: Nëse futet parimi i 12 miljeve, Greqia përfiton më shumë në zonën ekskluzive ekonomike. Pasi Greqia e ka hartën e burimeve të naftës shumë të saktë, ka anije norvegjeze që kanë vite që lundrojnë në ato ujra, në detin Egje dhe në detin Jon, kjo marrëveshje e fundit i jep Greqisë në mënyrë ekskluzive një hapësirë më të madhe ekonomike për të shfrytëzuar. Për shkak se gjatësia e saj është më e gjatë. Ne shfrytëzojmë zonën ekskluzive ekonomike për aq sa kemi ne gjatësi. Ne kemi shumë pak hapësirë, pasi pjesën tjetër e merr Greqia. Pra duhet vendosur nëse do të luftojmë për milje katror det, apo për zonën ekskluzive ekonomike.
Shiko videon:
