Ministri i Jashtëm italian Antonio Tajani ka njoftuar se më 22 Dhjetor do të vizitojë Shqipërinë, duke lajmëruar se gjatë kësaj vizite do të ndalet tek vendet ku mund të ngrihen qendrat për emigrantët.
Lajmi është dhënë nga vetë ministri Italian nga Konferenca e Ambasadorëve në Farnesinë.
Tajani thotë se do të takojë edhe kryeminstrin Rama “Më 22 dhjetor do të jem në Shqipëri dhe do të takoj kryeministrin Edi Rama”.
Ai shtoi se do të vizitojë “vendet ku do të ngrihen qendrat ku do të ndalohen emigrantët që do të duhet të jenë të shoqëruar përsëri në vendet e tyre të origjinës”, si pjesë e marrëveshjes së nënshkruar me Tiranën.
Qeveria italiane, ritheksoi ai, nuk është e shqetësuar për pezullimin e ratifikimit dhe në çdo rast ekziston dëshira “për të mos ndërhyrë në vendime të Gjykatës Kushtetuese të Shqipërisë”.
Gjatë vizitës në Shqipëri, Tajani do të vizitojë edhe ushtarët e Guardia Finanza, si dhe në Mali të Zi.
