Teksa brenda parlamentit grek debatohej, jashtë protesta degjeneroi në dhunë. Grekët janë kundër Marrëveshjes së Prespës për emrin e Maqedosnisë.
Mediat vendase raportojnë se protestuesit hodhën gurë dhe flakëhedhëse kundër forcave të policise, të cilat u përgjigjen me granata shpërthyese dhe gaz lotsjellës.
Dhjetëra policë zbritën në sheshin Sindagma për të shpërndanë turmën e protestuesve duke e ndjekur atë nëpër rrugicat e qendrës së kryeqytetit grek.
Disa persona morën plagë dhe u dërguan në spital, ndersa forcat e rendit ndaluan 4 protestues.
Brenda godines se parlamentit, qeveria dhe opozita vazhduan përballjen politike, me akuza të rënda që arrinin deri në ato të tradhtisë ndaj vendit.
Kreu i Grekëve të Pavarur dhe deri pak ditë më parë partneri në qeveri, Panos Kamenos, akuzoi Syriza-n për komplot institucional, që ka synim shpërbërjen e partisë së tij, ndërsa kryeministri Tsipras akuzoi opozitën se ka nxitur grupet ekstremiste të kercenojne deputetët e shumicës duke iu ushtruar atyre presion jashte banesave, me pankarta në të cilat ata akuzohen si tradhtarë të vendit.
Protestat do të vazhdojnë sërish paraditen për Marrëveshjen e Prespës. Votimi ishte parashikuar për natën e të enjtes, por u shty për sot në orën 14:30 për shkak të numrit të lartë të deputetëve të regjistruar për të marrë fjalën dhe debateve të ashpra që zgjatën deri të enjten vonë. /Ri-De
