Intimiteti shton forcën seksuale dhe mendore. Prej aktivitetit seksual të shëndetshëm, kemi shumë përfitime fizike për trupin. Ai e ngre në nivele të larta aktivitetin hormonal, ndërkohë që hormonet ndihmojnë trupin të rritet i shëndetshëm dhe i fortë.
A ndikon negativisht moskryerja e marrëdhënieve seksuale për një individ që i ka kaluar të 20-at? A ndikon seksi në trurin e njeriut, në mendimet, idetë, humorin, perceptimet, etj? A është seksi faktori kryesor që e bën një njeri ta ketë trurin të ndrydhur dhe të ketë mungesë epshi?
Ju duhet të dini se, nga të gjitha aktivitetet njerëzore, seksi, është më interesanti. Nuk ka asnjë gjë tjetër që të jetë më magjepsëse nga seksi. Edhe pse kështu, për seksin nuk flasim e diskutojmë hapur e ndershmërisht as me miqtë dhe të afërmit, pa le më në publik me të huajt. Ndjesitë për seksin janë aq të forta e tunduese, sa duket sikur ua kalojnë edhe atyre për ushqimin.
Meqë erdhi fjala tek ushqimi, duhet të dini se, gjithnjë ka patur një marrëdhënie të ngushtë midis ushqimit dhe seksit. Në qoftë se ushqimi i shëndetshëm është ilaç dhe ai vërtet është i tillë, atëherë, seksi i shëndetshëm është ilaç akoma më i fuqishëm. Seksi është karburanti më i rëndësishëm për shpirtin, ashtu siç është ushqimi i shëndetshëm karburanti më i mirë për trupin tonë.
Çdo doktor mund t’u tregojë me përpikmëri se cilat minerale, vitamina, proteina dhe acide yndyrore kërkon trupi ynë për të zhvilluar qelizat dhe strukturat e ndryshme trupore. Shumë nga këto lëndë ushqimore, pa dyshim, ushqejnë edhe aktivitetin seksual. Ato janë esenciale për të prodhuar hormonet dhe qelizat e gjakut, që na ndihmojnë të realizojmë intimitetin seksual. Pa rrjedhën e mirë të gjakut nëpër arteriet dhe venat e zonës gjenitale dhe pa prodhimin e përshtatshëm të hormoneve seksuale, vitaliteti ynë seksual nuk do të jetë ai që dëshirojmë, veçanërisht, kur bëhet fjalë për persona të moshuar.
Intimiteti shton forcën seksuale dhe mendore. Prej aktivitetit seksual të shëndetshëm, kemi shumë përfitime fizike për trupin. Ai e ngre në nivele të larta aktivitetin hormonal, ndërkohë që hormonet ndihmojnë trupin të rritet i shëndetshëm dhe i fortë.
Simfonia hormonale që lind nga akti seksual, veçanërisht, në një marrëdhënie të përkushtuar, instalon brenda nesh vitalitet të pakrahasueshëm. Ne, kurrë, nuk jemi aq afër me një njeri tjetër, sa kur bëjmë dashuri me një partner që e duam fort (përjashto kohën që fëmija qëndron në bark të nënës) Interkursa seksuale, në esencën e saj, nuk është një akt banal, ashtu siç paraqitet në pop-kulturën e revistave dhe gazetave. Gazetat tona janë të mbushura çdo ditë me këtë kulturë. Interkursa seksuale, shpesh, është intensive dhe plot me emocione pozitive. Por, ndonjëherë, ajo është edhe dëshpëruese. Akti seksual i ndryshon njerëzit. Gjatë orgazmave njerëzit, shpesh, shkrihen me njëri-tjetrin.
Por, ndodh, që nga ekspozimi lakuriq ndaj njëri-tjetrit, partnerët të ndjejnë dhimbje, të krijojnë reaksione vetë-mbrojtëse, të ngrenë barrikada, të tjetërsohen emocionalisht e fizikisht dhe arrijnë deri në hakmarrje violente ndaj kujtdo që ndodhet afër. Herë të tjera, njerëzit, duke bërë seks “zhveshin edhe lëkurën e tyre”. Trupat e tyre tentojnë të shkrijnë çdo kufi. Nuk ka më distance fizike, nuk ka vetë-ndërgjegjësim, asgjë nuk mbetet private gjithçka tjetërsohet. Lëkura humbet si kufi. Jashtë dy njerëzve të përkushtuar që bëjnë seks, asgjë tjetër nuk ekziston. Në librin e famshëm të Kobo Abe “The face of Another”, seksi ku “zhvishet edhe lëkura”, tregohet si një obsesion, si një fenomen shumë psikologjik, i pabesueshëm të jetë i vërtetë, por i pranuar të jetë një formë ekzistence, një realitet metafizik, për ata që përfshihen në të. Siç e shikon, aktiviteti seksual është me ndikim të madh psiko-emocional. Nënë Natyra e ka sublimuar bashkimin seksual, sepse prej tij ngjizet gjëja më e çmuar: jeta.
Duke u moshuar bashkë me partnerin, vazhdimisht, ne këmbejmë me njëritjetrin lëndët biokimike, që duhen për bashkimin seksual. Këto lëndë kanë vlera për të forcuar shëndetin dhe për të zgjatur jetën. Të dhënat mjekësore, pa asnjë mëdyshje, tregojnë dhe mbështesin fuqishëm rolin e jashtëzakonshëm që ka vitaliteti seksual, në zgjatjen e jetës së secilit nga ne.
Eksperienca mjekësore shumë vjeçare, më ka bindur, se që të kemi shëndet të mirë, duhet të kombinojmë mirë këto elementë:
Detoksifikimin e trupit, ushqyerjen me lëndë ushqimore të pastra e të plota, masazhin e trupit, meditimin, ushtrimet që ngucin rritjen e aktivitetit të sistemit imun dhe në fund përdorimi i psikoterapisë për të larguar pengesat mendore që na pengojnë të ndjehemi mirë. Të gjithë këto elementë të marrë së bashku, janë shumë të vlefshme dhe efektive për shërimin nga sëmundjet dhe lëngatat. Por, ato janë të domosdoshme edhe për të rigjeneruar vitalitetin tonë seksual dhe për të gëzuar kënaqësinë e madhe seksuale dhe jetën e gjatë. Ti do të dish se si influencon aktiviteti seksual në shëndetin dhe jetën tonë.
Do të përpiqem të të tregoj ty dhe gjithë të tjerëve, që do t’i lexojnë këto rreshta, mënyrën si aktiviteti seksual i mençur, influencon në shëndetin e përgjithshëm, në kualitetin e jetës dhe në jetëgjatësinë. Si doktor, dhe veçanërisht si i interesuar në fushën e seksologjisë, gjithmonë jam motivuar nga bindja ime e thellë se, disfunksionet seksuale, që prishin bukurinë e jetës të shumë njerëzve.
