Një 35-vjeçar është vënë në pranga nga policia këtë të martë pasi akuzohet për veprën penale “Marrëdhënia seksuale ose homoseksuale me të mitur”.
Policia bën me dije se bëhet fjalë për shtetasin Aljon Pasho, 35 vjeç, banues në Sarandë.
Uniformat blu bëjnë me dije se në bashkëpunim me Forcën e Posaçme “Shqiponja”, është kapur dhe është vënë në pranga Aljon Pasho, i cili ishte strehuar në banesën e një të afërmi të tij.
35-vjeçari ishte shpallur në kërkim pasi Gjykata e Rrethit Gjyqësor Sarandë e ka dënuar me 4 vjet e 5 muaj burgim, për veprat penale “Marrëdhënia seksuale ose homoseksuale me të mitur” dhe “Përndjekja”.
Në vitin 2018, në qytetin e Sarandës, shtetasi Aljon Pasho ka përndjekur një shtetase të mitur 13 vjeçe dhe më pas ka kryer marrëdhënie seksuale me të.
Veprimet e mëtejshme procedurale për këtë shtetas do të kryhen nga Komisariati i Policisë Sarandë.
