Cristiano Ronaldo është i bindur se do të shkojë në altar me Georgina Rodriguez, e dashura e tij që prej vitit 2016 dhe mamaja e Alana Martina, më e vogla e katër fëmijëve të tij.
“Ajo më ka ndihmuar shumë dhe unë e dashuroj. Një ditë do të martohemi, kjo është e sigurt. Marrëdhënia jonë është perfekte. Ajo për mua është edhe një mike. Flasim gjithçka bashkë”, ka thënë ylli portugez i futbollit.
34-vjeçari ka shtuar se nuk është vetëm ylli i futbollit që e dëshiron këtë gjë, por edhe nëna e tij Maria Dolores Aveiro.
“Ajo është ëndrra e mamasë time gjithashtu. Kështu që një ditë do të ndodhë”, ka thënë Ronaldo
Kjo është hera e parë që Ronaldo pranon se martesa nuk është larg, dhe duket se tashmë kanë mbetur për t’u përcaktuar vetëm detajet./Opinion.al
