Numri i pakët i lojtarëve italian që aktivizohen në Seria A ka bërë që drejtori i përgjithshëm i Juventusit, Beppe Marotta të “ndez” zjarrin, duke shtuar pyetjen se pse nuk mbështeten më futbollistët italian. Marotta përmend transferimin më të fundit në Seria A, atë të Bacary Sagna që firmosi me Beneventon.
“Do të ishte e paimagjinueshme të shihja Bacary Sagna te Benevento. Kur unë isha tek Sampdoria, në atë kohë, sidomos për klubet në mes të gjysmës së poshtme të tabelës, ishte e rrallë të kërkoheshin lojtarë të huaj. Kjo gjueti për të huajt u bë e ekspozuar në dekadën e ardhshme për shkak se cilësia e talenteve të reja italiane ra, por mbi të gjitha edhe klube më të vogla u armatosën me rrjetet ndërkombëtare të vëzhgimit. Tani ka një përzgjedhje më të madhe dhe mundësinë për të gjetur lojtarë me kosto më të lirë.
“Nuk ka gjasa që ne do të shohim ndonjëherë një tjetër ndeshje të Serie A që luhet vetëm me lojtarët italianë, sepse ne jemi në epokën e globalizimit. Marrëdhëniet me vendet e tjera kanë ndryshuar, siç kanë strategjitë.
“Vetëm pak vite më parë, do të kishte qenë e pamendueshme të shihje një lojtar me CV-në e Bacary Sagna duke luajtur për Beneventon.
“Megjithatë, talenti i huaj është i rëndësishëm dhe klubet e mëdha përpiqen të importojnë më të mirën për të fituar, por duke luajtur shumë italianë ndihmojnë në formimin e një ndjenje identiteti. Nuk është rastësi që epoka e dominimit të Juventusit kishte një bazë të italianëve dhe një nga objektivat tona tani është ta mbajmë atë relativisht të paprekur “.-deklaroi Marotta.
Ndërkohë, gazeta me qendër në Torino, “La Stampa” shkruan se për herë të fundit një ndeshje të Serie A filloi me dy formacionet e bëra tërësisht nga italianët, ishte Empoli-Sampdoria në vitin 2008./oranews
