Një shtetas maroken është arrestuar nga policia në Memaliaj, pasi i ka vjedhur automjetin e tipit “Mitsubishi” një tepelenasi.
Sipas policisë, shtetasi i huaj me inicialet M.M., 30 vjeç është arrestuar pasi në fshatin Vasjar, Memaliaj, ka vjedhur një automjet në pronësi të shtetasit E. Ll.
Mësohet se 30-vjeçari maroken po e drejtonte “Mitsubishin” në gjendje të dehur.
“Nga shërbimet e Komisariatit të Policisë Tepelenë u arrestua në flagrancë shtetasi i huaj M. M., 30 vjeç, banues në Marok.
Shtetasi i mësipërm u arrestua pasi në fshatin Vasjar, Memaliaj ka vjedhur automjetin tip “Mitsubishi” në pronësi të shtetasit E. Ll.
Gjithashtu rezultoi se shtetasi maroken po drejtonte automjetin e vjedhur në gjendje të dehur”-njofton policia.
Materialet i kaluan Prokurorisë pranë Gjykatës së Shkallës së Parë Gjirokastër për veprime të mëtejshme./Opinion.al
