Kryeprokurorja Arta Marku ka transferuar në rrethe tre prokurorë që nuk pranuan shortin për dosjen Shullazi mes tyre dhe prokurorin e Tahirit, Besim Hajdarmataj. Po kështu ka nisur hetim disiplinor për 10 prokurorë të Krimeve të Rënda po për të njëjtën çështje. Kjo ka shkaktuar kaos dhe përplasje në organin e akuzës.
Por duket se veprimet e Arta Marku që kritikohen ashpër nga opozita, mbështeten po aq fuqishëm nga mazhoranca qeverisëse që e emëroi në detyrë.
Sot, deputetja e PS dhe njëherazi kryetare e Komisionit Parlamentar të Sigurisë, Ermonela Felaj, ka komentuar situatën e krijuar në Porkurorinë e Krimeve të Rënda, duke deklaruar: Unë shoh që është marrë një masë dhe ka pasur një përgjigje për situaten dhe më duket e natyrshme dhe e ligjshme”.
Por, Ermenela Felaj me sa duket harron se një ligjvënës nuk ka të drejtë të ndërhyjë në punën e një organi të pavarur siç është prokuroria e shtetit.
E njëjta pyetje iu drejtua mbrëmë Kryeministrit të vendit, Edi Rama i cili me diplomaci tha se për Arta markun ka respekt, por nuk ka folur me të për situatën e krijuar tek Krimet e Rënda.
“Ju kujtoni se ajo flet me mua për vendimet e saj. Unë nuk kam komunikuar asnjëherë përveçse kur i kam dhënë dorën kur e qëlluan me vezë Arta Markun. Ajo meriton të gjithë respektin tim sepse vjen nga shtresa e të përndjekurve politikë”- u shpreh Rama në emisionin Opinion.
*Video- Deklarata e Felajt për Arta Markun
