Nga Alba Kapa
Në emër të vizionit Marksist për një “shoqëri të re” dhe për“njeriun e ri” revolucionet komuniste dhe socialiste shkaktuan vrasje massive, genocid, burgim dhe tortura për qindramiliona njerëz anembanë botës. Historianët llogarisin se në këto përpjekje për të krijuar një botë të re dhe më të mirë socialiste, regjimet komuniste vranë rreth 100 milionë njerëz.
“Ka vetëm një mënyrë …sesi tranzicioni nga shoqëria e vjetër tek lindja e përgjakshme e shoqërisë së re mund të shkurtohet, të thjeshtohet dhe të përqëndrohet, dhe kjo është nëpërmjet terrorit revolucionar” shkruan fjalë për fjalë Marksi.
Marksi në fakt ka lënë pas jo vetëm teorinë e tij mbi kapitalizmin, por edhe manualin e përdorimit për revolucionin dhe vrasjet masive. Bashkë me Englesin ai shkroi një udhëzim për Komitetin Qëndror të Internacionales Komuniste në mars të vitit 1850. Marksi u bë avokati i dhunës me çdo kusht, i hakmarrjes kundër të gjithë kundërshtarëve, deri në fitoren përfundimtare dhe totale të revolucionit.
Po këto janë të gjitha të ditura dhe të thëna, të dëgjuara dhe të folura, të studiuara dhe të botuara. Cfarëështë ndryshe këtë 200 vjetor?
Kina u përpoqshumë këtë vit që bota ta kuptojë drejt Marksin, jo vetëm me statujën e dhuruar në vendlindhjen e tij, por edhe me sponsorizimin e konferencave, ekspozitave, promivimit të librave në të gjithë botën. E gjitha kjo për tënderuar ideologjinë e komunizmit! Dhe për këtë qëllim, qeveria kineze nën drejtimin e Partisë Komuniste të Kinës mendohet se ka harxhuar miljarda euro.
Maja e festimeve të 200 vjetorit të lindjes së Marxit ishte vendosja e statujës së tij në qytetin e lindjes Trier në Gjermani, dhuratë e qeverisë kineze. Shtypi lokal shkroi se ndonëse shtatorja 5,5 me e lartë ishte e padëshiruar nga banorët e qytetit, ajo u zbulua nga autoritetet lokale nënjë ceremoni festive në 5 maj ku mori pjesë vetë Kreu i Komisionit Europian ndonëse përfaqësues të ish vendeve komuniste që sot janë në BE e kundërshtuan përpjekjen për të rehabilituar një ideologji që i mbajti ata të izoluar për gati gjysem shekulli.
Jean-Claude Juncker, në fjalën e tij në Trier, foli për komunizmin pa përmendur as krimet e tij dhe as viktimat. Duke u shprehur se idetë nuk kanë konsekuenca, ai shtoi se “Karl Marksishte një filozof i cilimendonte në të ardhmen, measpirata kreative, dhe sot, ai përfaqëson gjëra për të cilat nuk është përgjegjës dhe të cilat nuk ika shkaktuar ai, sepse shumë nga gjërat që ai tha u rishkruan pas vdekjes së tij duke u tranformuar.”
Por nëse përpjekjet e Kinës për të ngritur në pedestal Marksin kuptohen, bën gjithnjë e më habi mbështetja që marksizmi merr nga institucionet e BE.
Festimet e turpshme për 200 vjetorin e Marksit në fakt nuk filluan këtë vit. Me rënien e Perdes së Hekurt, pra për 3 dekadat e fundit, filozofia “e majtë” e ka dominuar arsimin, median, politikën dhe kulturën në botën e lirë dhe demokratike. Aq sa lavdet për Marksit pas krizës financiare të vitit 2008 vinin edhe nga gazeta zyrtare e Vatikanit, L’Osservatore Romano. Në një artikull botuar në 2009 ajo lavdëronte diagnozën e Marksit mbi pabarazinë e të ardhurave, pra njeriun që kishte deklaruar se feja është opium për popujt!!
Komunizmi vrau mbi 100 milionë njërëz në shekullin të 20të, më shumë se cdo “izm” tjetër! Ne, shqiptarët jemi ndër popujt viktimë të kësaj ideologjie vrasëse dhe çnjerëzore.Atë që Marksi quante kapitalizëm, ne sot e quajmë LIRI!Ndaj ështëthellësisht shqetësuese që 200 vjet pas lindjes dhe 100 vjet pas Revolucionit Bolshevik, Bota e Lirë jo vetëm nuk mbron vlerat e saj, por promovon ideologji që kanë qëllim shkatërrimin e saj!
