Analisti Mark Marku është përplasur ashpër me ministren e Drejtësisë, Etilda Gjonaj. Kjo e fundit u pyet nga drejtuesi i emisionit Opinion, pse “dosja 339” nuk është hetuar dhe prokuroria nuk flet për këtë dosje, që mund të çojë vendin përplasje civile.
Ministrja tha se prokuroria është e pavarur dhe se i takon asaj të flasë. Kjo deklaratë ka irrituar analistin i cili ka shpërthyer në akuza.
Mark Marku i tha ministres se si Etilda Gjonaj kishte respekt, por për postin që ajo mban gëzonte 0 respekt.
Po ashtu më herët analisti tha se kryeministri Rama do ta çojë vendim në luftë të fshijë krimet e tij.
Pjesë nga debati
Etilda Gjonaj: Patjetër që është e pavarur Prokuroria.
Mark Marku: Për cilën prokurori e keni? Për këtë që kemi apo për ndonjë tjetër?
Mark Marku: O zonjë se po na ngre nervat, prokuroria jote e pavarur, ju nuk keni turp. Jeni të pacipë, edhe kur keni fytyrë normale, jeni fytyra e shëmtisë. E pavarur ajo lloj prokurorie thua ti? Po tall… me kë po flet, se për këtë jeni arrogantë, që duheni larguar me dhunë dhe me armë, sepse ju të fyeni inteligjencën. Prokuroria e pavarur ato 2 lajet e Partisë Socialiste, kryeprokurorja, krye… S’keni turp, ju keni arrit kulmin.
Mark Marku-Lorenc Vangjelit: Rri tani, se ti paguhesh nga qeveria, ha bukën e qeverisë dhe je në rregull.
Lorenc Vangjeli: Mos e përmend bukën time ti, se ha bukën e Perëndisë. Mos fol për armë. Se e ke gabim.
Mark Marku: Flasim për shërbimet që bën ti.
Lorenc Vangjeli: Po lëri more shërbimet.
Mark Marku: Janë bërë për t’i larguar me gurë.
Blendi Fevziu: Me gurë?
Mark Marku: Po se janë arrogantë, janë të poshtër, janë hajdut ordinerë/ Opinion.al
