Ish-deputeti i Partisë Demokratike, Mark Marku është shprehur se situata e rënduar pas rezultatit dramatik në zgjedhjet e 25 qershorit, nuk zgjidhet duke shantazhuar demokratët njëri-tjetrin, por me krijimin e një procesi zgjedhor për garën e kryetarit në PD.
Marku theksoi se PD rrezikon përçarjen , pasi ka shumë mllef. Sipas tij, kreu i PD-së, Lulzim Basha ka reflektuar ndaj rezultatit të zgjedhjeve dhe ka dhënë një gjysmë dorëheqje.
“Çdo parti ndërtohet mbi karrierën , cfarë do të thotë, kontribut-shpërblim. Unë mendoj se ata kanë shumë të drejtë, por për partinë nuk është e mirë. Për një politikan nuk është orientues i mirë mllefi apo inati. Ata kanë 20 vite në politikë dhe ne nuk jemi irrituar ndonjëherë dhe të shkojmë t’u themi hajde t’i kapim me shkelma dhe t’i nxjerrim nga zyra”.
