Marjana Semini, është zgjedhur në seancën maratonë të ditës së djeshme anëtare për Gjykatën Kushtetuese.
Mazhoranca arriti të zgjedhë e vetme Seminin, e cila mori 58 vota, ndërsa i dyti u rendit Ardian Dvorani që mori 14 vota dhe e treta Arta Vorpsi me 2 vota. Sipas Kushtetutës, në rast se asnjëri prej kandidatëve nuk merr shumicën e cilësuar, fiton ai që renditet me pike më të larta nga Këshilli i Emërimeve në Drejtësi.
Opozita bojkotoi votimin, përjashtuar tre deputetëve të Partisë së Lirisë. Ndërkaq Kuvendi nuk miratoi Avokatin e ri të Popullit.
Opozita, e cila kishte edhe të drejtën e propozimit kishte dhënë emrat e Ledio Brahos dhe Altin Goxhajt, por asnjëri nuk mori votat e nevojshme.
Po në seancën e djeshme me 71 vota “pro” u zgjodh për një tjetër mandat në krye të Autoritetit të Dosjeve Genta Sula. Ndërsa Erjola Sadushi u zgjodh me 72 vota anëtare e Entit Rregullator të Energjisë.
