18-vjeçari, Marios Isa nga Leskoviku, banonte me familjen në Kavala. Ai u ekzekutua në zonën “Ajo Gjeorgjiu” në qendër të Kavalës, rreth orës 22:00 të mbrëmjes së të martës.
Sipas banorëve u dëgjuan dy krisma armësh, ndërsa “Kavala News” shkruan se viktima mori dy goditje nga afër në shpinë, që i shkaktuan vdekjen e menjëhershme. Trupi i 18-vjeçarit u gjet mes një pellgu gjaku nga policia greke, ndërsa dyshohet se autori i ngjarjes mund të ketë qenë vrasës profesionist.
Shqiptari i ekzekutuar me armë jetonte prej vitesh në Greqi së bashku me familjen, ku ishte arsimuar dhe po frekuentonte universitetin. I riu gjithashtu aktivizohej me ekipin e futbollit të Heracles në këtë qytet.
Në dorën e viktimës janë gjetur disa kartmonedha 50 euroshe. Policia greke bëri të ditur se viktima nuk kishte patur asnjëherë probleme me ligjin. Ende nuk është zbuluar autori dhe motivet e ngjarjes.
Gazetari shqiptar që jeton në Greqi Shpëtim Zinxhira shkruan se vetëm këtë vit janë vrare 11 shqiptarë në Greqi. Rasti i parafundit është ai i Korfuzit, ku u vra Petrit Zifle, 63 vjeç (25 Nëntor). Dyshimet janë se autori, një 43 vjeçar grek është konfilktuar me Ziflen për çështje etnie. Autori është eksponent i Agimit të Artë.
/Opinion.al
*Fotot e viktimes Marios Isa, marre nga rrjeti sociale, facebook
Foto, vendi i ngjarjes
