Getoar Selimi është një ndër reperët më të vjetër në tregun shqiptar. Marina duhet të ketë qenë tepër e vogël kur Getoar Selimi ka nxjerr këngët e para. Këngëtari 35 vjeçar numëron në repertorin e tij me dhjetëra këngë të suksesshme e që janë kërcyer nga të gjithë moshat e reja. Që në fillim të viteve 2000 Getoar Selimi ndër reperët e parë shqiptarë që u mirëprite dhe u dëgjua nga të gjithë.
Një risi vihej re në vidoklipet e tij, shumë vajza që kërcenin dhe provokonin. Që nga klipi “Llokum me arra” e me pas gjithë klipet e tjerë të Getoar Selimit janë zhvilluar me pjesëmarrjen e shumë bukurosheve, balerina apo modele të cilat kërcenin ngjitur Getit apo reperëve të tjerë protagonistë në klipe, (Më poshtë ka disa foto, nga këngët e fillimit deri para pak vitesh) shkruan opinion.al
Por vitet e fundit, saktësisht dy vitet e fundit Geti i është sprapsur këtij stili. Ndoshta ai i është dukur i mërzitshëm dhe nuk e ka vazhduar më për t’u pozicionuar më serioz në daljet e tij në klipe, apo mund të ketë arsye tjetër?
Getoari ka ardhur ndryshe në daljet e tij në klipet e fundit (pas lidhjes së tij me Marinën), jo vetëm që nuk ka më aq shumë vajza nëpër klipe, ndoshta mund të jetë një e vetme, siç ishte modelja e njohur Xheskia Berberi në këngën “Ajo” që Geti ja kushtoi Marinës. Por modelet nuk gjenden pranë Getit, por shfaqen në skena të tjera larg tij, kërcejnë por tanimë jo ngjitur me Geti por shumë larg tij, e njëjta gjë ka ndodhur edhe në hitin “BS”.
Sigurisht një arsye tjetër e mundshme mund të rezultojë të jetë edhe stadi i moshës së Getit apo ndryshimi i statuseve të tij në jetën private. Epo gjithsesi Geti nuk mund të sillet si para 17 viteve edhe sot! /Opinion.al
