Marijuana, ekstazia dhe MDMA-ja janë drogat që pihen më shumë nga vajzat. Kështu është shprehur mjekja Suela Xhufi në një intervistë në Euronews Albania.
Ajo ka theksuar se po vihet re një rritje e përdorimit te femrat jo vetëm e alkoolit, por edhe te drogave të tjera.
“Kemi një rritje të përdorimit te femrat fatkeqësisht dhe kemi një rritje të përdorimit jo vetëm të alkoolit, por edhe te drogave të tjera. Te moshat e reja nuk është se gjejmë përdorimin e drogave të rënda,” – u shpreh Xhufi.
26 qershor është Dita Botërore kundër Abuzimit dhe Trafikimit të Drogave. Kjo ditë është caktuar nga Kombet e Bashkuara për t’u kujtuar vendeve anëtare të OKB-së që të ndërmarrin masa për parandalimin e prodhimit, tregtimit, trafikimit ilegal, përdorimit dhe abuzimit të drogave./Opinion.al
