Atletja Luiza Gega ka marrë pjesë për të tetin vit radhazi në Maratonën e Tiranës.
Por këtë vit, ajo ka vendosur një rekord kombëtar në Maratonën e Tiranës, ku disiplinën 42 km e bëri për 2 orë e 34 minuta, duke zënë kështu vendin e parë .
Në një prononcim për mediat, Liza Gega shprehu emocionet e saj pas përfundimit të garës, duke theksuar se ishte një sfidë e dyfishtë për të, pasi gjatë dy ditëve të fundit kishte kaluar një grip të fortë.
“Kam nisur me frikë, sepse nuk e dija se sa do të arrija të mbaja,” tha Gega.
“Kur vijnë kilometrat e fundit, trupi pëson një shok. Të vraposh në Tiranë është një kënaqësi më vete. Njerëzit që të urojnë rrugës dhe bëjnë tifo për ty, të japin një forcë që ti nuk mendon se e ke”, tha ndër të tjera atletja.
