Edicioni i tretë i maratonës së Tiranës të dielën do të presë 5 mijë vrapues nga e gjithë bota. Për zhvillimin e maratonës do të bllokohet lëvizja në disa akse kryesore të kryeqytetit.
“Përshkrimi i itinerarit të vrapuesve do të jetë nga fillimi i Bulevardit “Dëshmorët e Kombit”, Rruga Abdi Toptani, Rruga e Barrikadave, ndërsa në kthim do të devijohet rruga e Kavajës, Bulevardi Zogu i 1, Sheshi Avni Rustemi për të mbërritur tek Sheshi Nënë Tereza. Kjo situata do të jetë nga ora 5 e mëngjesit deri në orën 14:00”, deklaroi Gentian Vocaj, shefi i qarkullimit në Policinë Bashkiake.
