Diego Maradona ka thënë se dënimi i Lionel Messit është i tmerrshëm dhe se do të ankohet te kreu i FIFA-s.
Messi u akuzua se përdori fjalë fyese ndaj anësori në ndeshje me Kilin.
“Dënimi i Messit është i ekzagjeruar. Në futbollin amerikan, flasin me duar para gojës. Është parë se çfarë ka ndodhur me Messin dhe gjyqtarin anësor”.
“Mungesa e Messit kundër Bolivisë ishte vendimtare. Është njëjtë sikurse t’i heqësh Cristiano Ronaldon, Portugalisë.
“Më dhemb kur e dëgjoj se unë kam pasur dorë në dënimin e Messit. Betohem në zot se unë nuk di asgjë. Kam filluar të hetoj për dënimin që nga CONMEBOL”.
“Do të flas me presidentin e FIFA-s, Gianni Infantino, pasi kjo është e tmerrshme”.
“E kam telefonuar Messin disa herë, por nuk ka marr përgjigje. Messi është djalë i madh, nuk ankohet për asgjë. Është shumë i mirë edhe me bashkëlojtarët”.
Messi do të mund të luajë në qershor me Brazilin, por do të mungojë me Uruguain, Venezuelën dhe Perunë.
