SHKUP-Me vendim të Presidentit të Maqedonisë, George Ivanov, është shkarkuar nga funksioni ambasador i Maqedonisë në Francë, Agron Buxhaku. Mediat shqiptare në Maqedoni thonë se funksioni i tij si ambasador përfundonte më 4 dhjetor të këtij viti.
Nuk dihet nëse shkarkimi i Buxhakut më pak se një muaj e gjysmë para skadimit të mandatit të tij ka të bëjë me votimin për anëtarësimin e Kosovës në UNESCO më 9 nëntor.
Maqedonia dhe Mali i Zi, u kritikuan nga ministri i Jashtëm i Serbisë Ivica Daçiç për votimin pro Kosovës në Bordin Drejtues të UNESCO-s.
