Gjatë 24 orëve të fundit Maqedonia e Veriut ka regjistuar numrin më të ulët të infektimeve të reja me virusin COVID-19 që nga muaji korrik.
Ministria e Shëndetësisë në Maqedoni bën me dije se nga 700 testime të kryera kanë rezultuar pozitivë me koronavirus 83 persona, ndërsa kanë humbur jetën 11 pacientë. Sipas njoftimit të Institutit të Shëndetit Publik bëhet me dije se janë shëruar gjithsej 419 persona brenda 24 orëve të fundit.
Nga fillimi i pandemisë e deri më tani numri i testimeve me Covid është 394 329, mes të cilëve 81 804 kanë rezultuar të infektuar, ndërsa kanë humbur jetën 2,456 pacientë./Opinion.al
