Në Maqedoninë e Veriut sot është shënuar fillimi i ndërtimit të akseve rrugore të në pjesën perëndimore të vendit, që do të lidhet më pas me autostradë me Shqipërinë.
Zëvendëskryeministri i parë Artan Grubi iu drejtua Kryetarit të partisë së tij, Ali Ahmeti duke i thënë: “Bac u kry Kryetar edhe kjo punë. Faleminderit”.
Sakaq, kyeministri Dimitar Kovaçevski foli për rëndësinë e projektit.
“Ndërtimi i Korridorit 8 do të thotë më pak harxhim i parave për transport, transport më i shpejtë, integrim i RMV-së si dhe zhvillim rajonal i vendit. Ndërtimi i një autostrade të tillë është në interes të qytetarëve për një jetesë më të mirë dhe prosperitet për bizneset dhe zhvillim ekonomik”.
Kompania e kontraktuar për t’i kryer punimet në Korridorin 8 është amerikane. Në fjalën e saj, ambasadorja e SHBA-së në Maqedoninë e Veriut tha se kjo është një marrëveshje e madhe për biznesin amerikan.
“Është në marrëveshje e madhe për biznesin amerikan këtu në Maqedoninë e Veriut. Përmirësimi i rrugëve të Maqedonisë së veriut është jetike për zhvillimin ekonomik. Ndërtimi i këtyre rrugëve moderne do të mundësoj lëvizjen e njerëzve dhe mallrave dhe do të tërheq investime”.
Korridori 8 ka rëndësi të veçantë për shqiptarët e Maqedonisë së Veriut sepse lidh vendbanimet të banuara kryesisht me shqiptarë me Shqipërinë në një anë, por edhe do të përshpejtojë dukshëm udhëtimin prej në Strugë për në Prishtinë.
Korridori 8 dhe ai 10D do të kushtojnë 1.3 miliard euro, e ndërtimet pritet të përfundojnë më 31 dhjetor të 2027-tës.
