Shqipëria do të përfitojë 28 milionë Euro si shpërblim për punën e bërë në rrugën drejt Bashkimit Europian.
Lajmin e ka bërë të ditur Komisioneri i Zgjerimit të BE-së, Olivér Várhelyi gjatë një konference për shtyp në Tiranë me kryeministrin Edi Rama.
Olivér Várhelyi shpreson që hapja e negociatave të ndodhë para Samitit të Zagrebit, që është në maj të këtij viti.
Por çfarë bie në sy është se Maqedonia e Veriut vijon të jetë para nesh sa i përket marrjes së fondeve.
Varhelyi propozoi shpërblimin prej 50 milionë eurosh për Maqedoninë e Veriut, për atë që e cilësoi “progres domethënës për reformat e vështira”, duke inkurajuar vazhdimin e tyre.
Vlen të theksojnë se dhe gjatë Samitit të BE-së, për Maqedoninë e Veriut shumë vende ishin pro hapjes së negociatave në ndryshim nga Shqipëria, që të paktën tre vende vendosën “veto” duke kërkuar më shumë reforma./ Opinion.al
