E pazakontë në Maqedoninë e Veriut. Familjarët kanë rrëmbyer një të vdekur nga spitali. Viktima ishte pranuar në qendrën spitalore në gjendje të rëndë, me temperaturë të lartë, presion të lartë të gjakut dhe ethe.
Drejtori i spitalit në qytetin e Strumicës, Naçe Gogov, ka thënë për mediat se ngjarja ka ndodhur të hënën, herët në mëngjes, kur një grup prej 20 personash kanë arritur të futen në spital prej nga e kanë nxjerr me gjithë krevat viktimën, 49 vjeç.
“Stafi i spitalit nuk mundi të bënte asgjë pasi ishte një turmë e madhe. Drejtuesit e spitalit iu shmangën incidentit ndërsa rastin e paraqitën në polici”, ka deklaruar Gogov.
Mjekët nuk kishin arritur ta testojnë pacientin për koronavirus, por bazuar në simptomat dhe gjendjen e rëndë shëndetësore, kanë thënë se me gjasë viktima ishte i infektuar me virus.
Sakaq, sipas Ministrisë së Shëndetësisë, të hënën nga 552 testimw janë regjistruar 7 viktima dhe 45 raste të reja me COVID-19./Opinion.al
