Duken ende të parakoshme lajmet e publikuara në shtyp se BDI ka vendosur të shkojë në koalicion me fituesin e numrit më të madh të mandateve në zgjedhjet e fundit parlamentare në Maqedoni, Nikola Gruevskin. Një burim i Opinion.al, ka sqaruar se strukturat e BDI janë ende në mbledhje dhe se vendimi do të merret sot përpara mesnatës. Sipas të njëjtave burime, shumë prej drejtuesve të BDI lëkunden mes emocionalitetit për t’u bashkuar me Zaevin dhe pragmatizmit për t’u bashkuar me Gruevskin. Nuk sqarohet ende se cila është oferta e dy forcave rivale maqedonase, por ciladoqoftë ajo duhet të jetë shumë motivuese për shqiptarët atje që forcat politike të marrin një vendim në favor të saj.
Zgjedhjet në Maqedoni u zhvilluan në dhjetor dhe prodhuan një rezultat shumë të afërt, me një diferencë thuajse të pandjeshme të VMRO së Gruevskit.
Se nga do shkojnë shqiptarët pritet të bëhet publike nga momenti në moment.
Opinion.al
