KQZ nuk i hoqi mandatin Armando Prengës duke e shpëtuar kështu nga ligji i dekriminalizmit, i cili jo vetëm të heq mandatin por të ndalon për 10 vite të ushtrosh funksione publike. Partia Socialiste zgjodhi variantin më të mirë për deputetin e vet, duke i kërkuar atij të japë dorëheqjen i mbyll gojën opozitës dhe opionit publik, por nuk i rrezikon karrierën politike të Prengës.
KQZ u mblodh për herë të dytë për Prengën por nuk vendosi të shpallë të pavlefshëm mandatin e tij, duke mosmarrë në konsideratë kërkesën e Prokurorisë së Përgjithshme që kishte konstatuar pavlefshmërinë e mandatit, sipas ligjit të dekriminalizmit.
KQZ i la mundësinë deputetit socialist që të dorëhiqet, duke evituar që ndaj tij të regjistrohet një rekord i dekriminalizimit.
Vetë Prenga në letrën e dorëheqjes që i ka dërguar Ilir Metës shkruan se nuk preket nga ligji i dekrimalizimit, por e jep dorëheqjen pasi është shqetësuar familja….
Faktin se Prengës nuk i rrezikohet e ardhmja në politike e tha edhe Sali Berisha i cili përmes një statusi në facebook shkroi se Rama e nxorri nga dritarja, por do ta fusë nga dera Armando Prengën.
Me sa duket Armando Prenga do ti duhet Edi Ramës në zgjedhjet e qershorit 2017 ndaj ka vendosur të mos “e njollosë” atë me ligjin e dekriminalizmit /Opinion.al
