“U argëtova” tha Manny Pacquiao, pasi u shpall kampion bote në peshat e lehta në divizionin WBA pasi mundi kampionin në fuqi Keith Thurman.
Pas një vendimi të ndarë të jurisë në Las Vegas, Pacquiao është kampioni më i vjetër në historinë e peshave të lehta pasi mbrëmjen e djeshme ai e fitoi rripin e kampionit në moshën 40 vjeçare.
Kundërshtari i tij Thurman, deri dje i pamposhtur, kishte deklaruar se do ta nxirrte në pension 40 vjeçarin filipinas, por u rrëzuar në tapet që në raundin e parë.
“E dija që do të ishte e vështirë” tha amerikani Thurman. “Ai më rrëzoi në raundin e parë dhe kjo i dha iniciativë. Ishte një mbrëmje e bukur boksi” përfundoi ai.
30 vjeçari kërkonte fitoren e tij të 30 radhazi. Megjithatë dy gjyqtarë vendosën 115-112 për Pacquiao, ndërsa tjetri 114-113 për Thurman.
Manny Pacquiao, kampion bote në 8 pesha të ndryshme gjatë karrierës, zhvilloi dje ndeshjen e tij të 71 të një karriere brilante. Ai ka vetëm 7 humbje por nga të cilat 4 i kishte pësuar në 11 ndeshjet e fundit përpara mbrëmjes së djeshme.
Pacquiao tha se ndihej i “bekuar” dhe se do të kthehej në Filipine për të rifilluar punën e tij si senator përpara se të vendoste se çfarë do të bënte në të ardhshmen.
“Unë mendoj se do të luftoj vitin e ardhshëm,” shtoi ai. /Opinion.al
