Ish-ministri i Drejtësisë, Ylli Manjani, ka deklaruar se teza e një vettingu të ndershëm ka rënë dhe kjo as nuk diskutohet.
Manjani theksoi të enjten në studion e emisionit “Opinion”, se ajo që po ndodh me vettingun nuk ka në qëllim kontrollin e gjykatësve dhe prokurorëve, por kapjen e tyre nga qeveria.
“Gjyqtarëve dhe prokurorëve do t’u vënë nga një pesë, me qëllim që gjyqtarët dhe prokurorët të ndjehen se po u bëjnë një nder shumë të madh që po i ndihmojnë të kalojnë klasen, por kjo është kapja. Dhe ata që janë planifikuar në listë për t’u hequr nga sitemi do të hiqen”,-tha Manjani.
