Kryeministri Edi Rama, ditën e sotme, përmendi pesë emra të nderuar biznesmenësh vetëm për arsyen për të fshehur një kastë pseudobiznesmenësh, të cilët zotërojnë dhoma të tëra parash në shtëpitë e tyre, pa mundur t’i justifikojnë dot.
Ish-ministri i Drejtësisë, Ylli Manjani, deklaroi sonte në studion e emisionit “Opinion”, se disa njerëz kanë dhoma të mbushura me para, të cilat nuk janë zyra ministrash, por njerëz që quhen biznesmenë dhe çuditërisht nuk i njeh asnjë.
Sipas tij, për të fshehur këtë kastë njerëzish, kryeministri Edi Rama përmendi sot emrat e pesë biznesmenëve të nderuar.
Manjani: Ka njerëz që nuk është e thënë se të jenë zyrash ministra, biznesmenë që si njeh kush, kryeministri ka përmendur pesë emra njerëzish shumë të nderuar, për të fshehur ekzakt këtë kastë njerëzish. Për të fshehur këtë kastë pseudobiznesmenësh që posedojnë sot dhoma të tëra të mbushura me para dhe nuk kanë ku t’i çojnë, pasi jashtë vendit nuk kanë mundësi t’i kalojnë. Tani ata nuk janë më trafikantë. Jashtë shtetit nuk i çojnë dot se ka sistem.
Video:
