TIRANË- Për herë të parë kemi dëgjuar një zyrtar të lartë, anëtar kabineti që flet drejtpërdrejt për rrezikun që nga kanoset nga ISIS.
Ylli Manjani, ministri i porsa emëruar në dikasterin e Drejtësisë thotë:
“Terrorizmi s’duhet nënvlerësuar. Shqipëria është pjesë e vendeve anëtarëve antiterror dhe për këtë aryse mund të jemi objekt sulmesh nga organizata terroriste. U bëj apel qytetarë jo të mbyllen brenda, të bëjnë jetën normalisht por me vemendje të shtuar. Edhe perëndimi që është më i fuqishëm se ne, e shohim se gjendet në vështirësi”.
Ylli Manjani e bëri këtë deklaratë në hyrje të Parlamentit. Ai u pyet nga gazetarët edhe për çështje të tjera, siç ishte rasti i drejtorit të burgut në Korçë që u shkarkua pas denoncimit në Fiks Fare. Ai tha do merren masa për të dhe të tjerët që abuzojnë me detyrën. Sakaq për reformën në drejtësi Manjani tha se dikasteri që drejton do të ndihmojë për përmbylljen në kohë.
